Corsu - Terra d'amore - Mezu Mezu, Patrick Fiori, Il Cello, Joseph Pastinelli -

Terra corsa tantu amata
Eiu ti tengu in core à mè
Di vicinu ò di luntanu
Quandu cantu, cantu per tè

Terra corsa luminosa
Di bellezza com’ùn ci n’hè
Di l’azzuru a perla rara
Quandu sognu, sognu di tè

Quellu chi si ne và
Sà chì un ghjornu riturnerà
À e so radighe in terra corsa
In terra nostra per sempre stà

Terra corsa testimonia
Di dulore è d’allegrie
Capu altu è core fieru
S’eu parlu, parlu di tè

Terra corsa terra Madre
Curagiosa è generosa
Ai dattu tanti figlioli
À la gloria, posterità

Cumè Vergina Madona
È regina di nostr’isula
Gira i so ochji per ‘ssa terra Corsa
Quand’ella prega, prega per tè

Terra Corsa, terra Santa
Quandu a mio vita finiscerà
Eu vogliu dorme in terra Corsa
L’ultimu sognu, d’eternità

Eu vogliu dorme in terra Corsa
L’ultimu sognu, d’eternità

Corsu - Mezu Mezu, Patrick Fiori, Il Cello, Joseph Pastinelli - prezentują piosenkę "Terra d'amore".