MacFeck - Twa Corbies

As I was walking a' a lane, I heard twa corbies a making their mane.
The tane unto the tithter did say "Whaur shall we gang and dine the day?"

"In behint yon auld fail dyke, I wot there lies a new-slain knight
And nobody kens that he lies there but his hawk and his hound and his lady
fair."

"His hound is to the huntin' gane, his hawk to fetch the wild-fowl hame,
His lady's ta'en another mate, sae we may mak' our dinner sweet."

"Ye'll sit on his white hause-bane, and I'll pike out his bonnie blue e'en,
Wi'ae lock o' his gowden hair we'll theek our nest whar it grows bare"

"Mony's the ane for him maks mane, but nane sall ken whar he is gane
Owre his white banes, when they are bare, the wind sall blaw for evermair"